பிரித்தானியாவை அச்சுறுத்தும் BA.2 மாறுபாடு! – திடீரென தொற்றாளர்களின் எண்ணிக்கை உயர்வு

இந்த செய்தியை பகிருங்கள்

பிரித்தானியாவில் கோவிட் தொற்றாளர்களின் எண்ணிக்கை சடுதியாக உயர்ந்துள்ளதாக தேசிய புள்ளியியல் அலுவலகத்தின் புள்ளிவிவரங்கள் தெரிவிக்கின்றன. இதன்படி, ஒவ்வொரு 20 பேரில் ஒருவர் பாதிக்கப்பட்டுள்ளதாக மதிப்பிடப்பட்டுள்ளது.

75 வயது மற்றும் அதற்கு மேற்பட்டவர்கள் உட்பட, அனைத்து வயதினரும் பாதிக்கப்பட்டுள்ளனர். இந்நிலையில், அவர்கள் பாதுகாப்பிற்காக ஸ்பிரிங் பூஸ்டர் தடுப்பூசியை பெற்றுக்கொள்ள வேண்டும் என அறிவிக்கப்பட்டுள்ளது.

வைத்தியசாலையில் அனுமதிக்கப்படும் தொற்றாளர்களின் எண்ணிக்கையும் அதிகரித்து வருகின்றன, எனினும், தடுப்பூசிகள் கடுமையான நோய் பரவலை தடுக்க உதவுவதாக நிபுணர்கள் கூறுகின்றனர்.

BA.2 என அழைக்கப்படும் ஒமிக்ரோன் திரிபின் எளிதில் பரவக்கூடிய துணை மாறுபாடு, இப்போது பெரும்பாலானவர்களிடையே தாக்கத்தை ஏற்படுத்துவதாக தெரிவிக்கப்பட்டுள்ளது.

கட்டுப்பாடுகளை தளர்த்தியமை மற்றும் தடுப்பூசிகளில் இருந்து நோய் எதிர்ப்பு சக்தி குறைவது போன்றவையும் நோய் தொற்றாளர்களின் உயர்வுக்கான காரணிகளாக இருக்கலாம். இதனிடையே, ஸ்காட்லாந்தில் தொடர்ச்சியாக ஏழு வாரங்களாக நோய்த்தொற்று அளவுகள் அதிகரித்துள்ளன.

கடந்த வாரம் 376,300 பேர் அல்லது 14ல் ஒருவருக்கு கோவிட் தொற்று இருந்ததாக மதிப்பிடப்பட்டுள்ளது.

நாடுகள் முழுவதும் தொற்று விகிதம்

இங்கிலாந்து: 4.9%, கடந்த வாரம் 3.8% ஆக இருந்தது – தோராயமாக 25 பேரில் ஒருவர்

வேல்ஸ்: 4.1%, கடந்த வாரம் 3.2% ஆக இருந்தது – தோராயமாக 25 பேரில் ஒருவர்

வடக்கு அயர்லாந்து: 7.1% , கடந்த வாரம் 7.8% ஆக இருந்தது – தோராயமாக 14 பேரில் ஒருவர்

ஸ்காட்லாந்து: கடந்த வாரம் 5.7% இல் இருந்து 7.15% அதிகரித்துள்ளது – தோராயமாக 14 பேரில் ஒருவர்

இதேவேளை, கோவிட் கட்டுப்பாடுகளை பிரித்தனியா தளர்த்தி வருகின்றது. இன்று முதல் பிரித்தானியாவிற்கு வருபவர்களுக்கு தடுப்பூசி போடப்படாவிட்டாலும், கோவிட் பரிசோதனை செய்ய வேண்டிய அவசியமில்லை என்பதும் குறிப்பிடத்தக்கது.


இந்த செய்தியை பகிருங்கள்

Contact Us