திருமணத்திற்குப் பிறகு நடிகை காஜல் அகர்வால் சில காலம் திரைத்துறையில் இருந்து விலகி இருந்தார். உடல் எடையை குறைத்த பிறகு, இந்தியன் 2 படத்தில் முக்கிய கதாபாத்திரத்தில் நடித்தார். ஆனால், இயக்குநர் ஷங்கர் அவரது காட்சிகள் அனைத்தும் இந்தியன் 3-ல் இடம்பெறும் என அறிவித்தார்.
இந்தியன் 2 மிகுந்த எதிர்பார்ப்புக்குப் பிறகு எதிர்ப்பார்த்த அளவுக்கு வரவேற்பைப் பெறாததால், இந்தியன் 3 வெளியாவதா என்பது தற்போது சந்தேகமாக உள்ளது. இதனால், காஜல் அகர்வாலின் முழுமையான திரும்பிவரும் (கம்பேக்) படம் எப்போது இருக்கும் என அவரது ரசிகர்கள் ஆவலுடன் எதிர்பார்த்து வந்தனர்.
இந்நிலையில், காஜல் தற்போது ஏ.ஆர். முருகதாஸின் சிக்கந்தர் படத்தில் நடித்துள்ளார். சமீபத்தில் நடைபெற்ற இந்தப் பட விழாவில், அவர் கவர்ச்சியான தோற்றத்தில் பங்கேற்றது ரசிகர்களை ஆச்சரியத்தில் ஆழ்த்தியுள்ளது!
