தமிழ் சினிமாவில் குழந்தை நட்சத்திரமாக திரைத்துறையில் அறிமுகமாகி தமிழ், தெலுங்கு, கன்னடம் மலையாளம் உள்ளிட்ட பழமொழி படங்களில் நடித்த முன்னணி நடிகையாக பெயர் எடுத்திருப்பவர் தான் நடிகை மீனா.
90ஸ் காலகட்டத்தில் கிட்டத்தட்ட 15 ஆண்டுகளுக்கு மேலாக பல்வேறு சூப்பர் ஹிட் திரைப்படங்களில் நடித்து முன்னணி நடிகையாக இருந்து வருகிறார். இதனிடையே மீனா பெங்களூரை சேர்ந்த சாஃப்ட்வேர் இன்ஜினியரான வித்யாசாகர் என்பவரை கடந்த 2009 ஆம் ஆண்டு திருமணம் செய்து கொண்டார்.
இவர்களுக்கு நைனிகா என்ற மகள் இருக்கிறார். நைனிகா தெறி படத்தில் விஜய்க்கு மகளாக நடித்த அனைவரது கவனத்தையும் ஈர்த்தார். தெறி பேபி என்று அவர் ரசிகர்களால் அன்போடு அழைக்கப்பட்டு வருகிறார். இதனிடையே கணவர் வித்யாசாகர் கடந்த 2022 ஆம் ஆண்டு நுரையீரல் தொற்றினால் பாதிக்கப்பட்டு உயிரிழந்து விட்டார்.
கணவர் இறந்த பின்னர் மீனா தொடர்ந்து திரைப்படங்களில் நடித்து வருகிறார். இந்நிலையில் பிரமாண்ட வீட்டின் புகைப்படங்கள் இணையத்தில் வெளியாகி வைரலாகி வருகிறது. சென்னை சைதாப்பேட்டை ஸ்ரீநகர் காலனியில் சொந்தமாக பிரம்மாண்ட வீடு இருக்கிறது. கேரள முறைப்படி அந்த வீட்டை கட்டி இருக்கின்றனர். இவ்வளவு பெரிய வீடா என ரசிகர்கள் வியந்து புகைப்படங்களை ஷேர் செய்து வருகிறார்கள்.
