உக்ரைன் மீதான ரஷ்யாவின் அதிரடியான ஏவுகணை மற்றும் டிரோன் தாக்குதல்கள், அண்டை நாடான போலந்து நாட்டை உச்சக்கட்ட பதற்றத்தில் ஆழ்த்தியுள்ளது! நேட்டோ உறுப்பு நாடான போலந்து, ரஷ்ய தாக்குதலின் விளைவுகள் தங்கள் வான்வெளியில் நுழைவதைத் தடுக்க, தனது வான் பாதுகாப்பு அமைப்புகளையும், போர் விமானங்களையும் அவசரமாக, உச்சக்கட்ட தயார்நிலைக்கு (Highest State of Readiness) கொண்டு வந்துள்ளது.
எல்லை தாண்டும் மோதல் அச்சம்!
- நேற்று அதிகாலையில் ரஷ்யா, உக்ரைனின் மேற்குப் பகுதியான ல்விவ் (Lviv) பிராந்தியத்தை குறிவைத்து பாரிய தாக்குதல்களை நடத்தியது. இந்த இடம் போலந்து எல்லைக்கு மிக அருகில் (சுமார் 70 கி.மீ.) உள்ளது.
- இதற்குப் பதிலளிக்கும் விதமாக, போலந்தும் அதன் நட்பு நாடுகளும் (நேட்டோ படைகளும்) தங்கள் வான்வெளியில் போர் விமானங்களை (Fighter Jets) பறக்கவிட்டு கண்காணிப்பைத் தீவிரப்படுத்தின.
- கடந்த காலங்களில் ரஷ்ய டிரோன்கள் போலந்து வான்வெளியில் அத்துமீறி நுழைந்த சம்பவங்கள் நடந்த நிலையில், இந்த திடீர் வான் பாதுகாப்புப் படைகளின் நகர்வு, போரானது எந்நேரமும் நேட்டோ நாடுகளுக்குள் பரவி விடலாம் என்ற உலகளாவிய அச்சுறுத்தலை ஏற்படுத்தியுள்ளது.
போலந்து ராணுவத்தின் எச்சரிக்கை:
“எங்கள் நாட்டு மக்களையும், வான்வெளியையும் பாதுகாக்க, தரைவழி வான் பாதுகாப்பு மற்றும் ரேடார் கண்காணிப்பு அமைப்புகள் ‘உச்சகட்ட தயார்நிலை’க்கு கொண்டு வரப்பட்டுள்ளன. இவை அச்சுறுத்தலுக்குள்ளான பகுதிக்கு அருகிலுள்ள இடங்களில் நிலைகொண்டிருக்கும்” என்று போலந்தின் செயல்பாட்டு கமாண்ட் (Operational Command) தெரிவித்துள்ளது.
உக்ரைனில் ரஷ்யாவின் தாக்குதல்கள் குடிமக்களின் உள்கட்டமைப்பை குறிவைத்து நடத்தப்படுவதால், உயிரிழப்புகள் அதிகரித்துள்ளன. இந்த மோதல், ஐரோப்பாவின் அமைதியைக் குலைத்து, மேலும் ஒரு பெரிய உலக மோதலுக்கு வழிவகுக்குமோ என்ற பதற்றத்தை உருவாக்கியுள்ளது!
