பூமி சஞ்சரிக்கும் இடம் நோக்கி படு வேகமாக வரும் “இன்டர் ஸ்டெல்லர்” விண் கல் !

செவ்வாய் கிரகத்தில் உச்சக்கட்ட பரபரப்பு! வானில் தோன்றிய பிரமாண்ட ‘உருளை விண்கலம்’— வேற்றுகிரகவாசிகளின் தாய்க் கப்பலா? 👽

செவ்வாய் கிரகத்தின் மேலே மிக வேகமாகப் பயணித்த மர்மப் பொருள் ஒன்று, தற்போதைய புகைப்படங்களில் பிரமாண்ட உருளை வடிவில் காட்சியளிப்பது உலக விஞ்ஞானிகள் மத்தியில் பெரும் பரபரப்பையும் சந்தேகத்தையும் கிளப்பியுள்ளது.

நாசாவின் ரோவர் எடுத்த அதிர்ச்சிப் புகைப்படம்!

பூமியின் சூரியக் குடும்பத்திற்கு வெளியே இருந்து வந்த இந்த விண்கலம், விஞ்ஞானிகளால் 3I/ATLAS என்ற பெயரில் ஒரு வால்மீனாக (Comet) வகைப்படுத்தப்பட்டிருந்தது. ஆனால், கடந்த அக்டோபர் 3ஆம் தேதி செவ்வாய் கிரகத்தை கடந்து சென்றபோது, நாசாவின் ‘பெர்சவரன்ஸ்’ ரோவர் (Perseverance Rover) எடுத்த புகைப்படங்களில், இது ஒரு “தூசு அல்லது வால் இல்லாமல், சரியான ஒளிரும் உருளை” (Perfect Glowing Cylinder) வடிவில் இருப்பதாகக் கூறப்படுகிறது. ஒரு வால்மீன் இதுபோன்ற சரியான உருளை வடிவில் இருப்பது மிகவும் அசாதாரணமானது என விண்வெளி ஆர்வலர்களும் ஒரு சில விஞ்ஞானிகளும் அதிர்ச்சி தெரிவித்துள்ளனர்.

ஏலியன் தாய்க் கப்பல் என்ற வாதம்

இந்த மர்மப் பொருளின் அசாதாரண வடிவம் மற்றும் அதன் விசித்திரமான பயணப் பாதை ஆகியவை, இது சாதாரண விண்வெளிப் பொருள் அல்ல என்ற சந்தேகத்தை வலுப்படுத்தியுள்ளன.

ஹார்வர்ட் பல்கலைக்கழகத்தின் பிரபல வானியல் இயற்பியலாளர் ஆவி லோப் (Avi Loeb) தொடர்ந்து தனது சந்தேகத்தை எழுப்பி வருகிறார். அவர், இந்த 3I/ATLAS ஒரு சாதாரண வால்மீன் அல்ல என்றும், அது வேற்றுகிரகவாசிகள் அனுப்பி வைத்த ‘தாய்க் கப்பலாக’ (Alien Mothership) இருக்கக்கூடும் என்றும் வாதிடுகிறார். இது செவ்வாய், வியாழன், வெள்ளி போன்ற கிரகங்களின் சுற்றுவட்டப் பாதைக்கு மிக அருகில் கடந்து செல்வது அதன் பயணத்தில் உள்ள துல்லியமான திட்டமிடலை (Remarkable Fine-Tuning) காட்டுகிறது என்றும் அவர் கூறுகிறார்.

பெரும்பாலான விஞ்ஞானிகள் இதை இயற்கையான வால்மீன் என்று நிராகரித்தாலும், உருளை வடிவிலான புகைப்படம் மற்றும் அதன் வேகம் காரணமாக, இந்த மர்ம உருளை விண்கலத்தின் உண்மையான இரகசியம் என்ன என்பதை அறிய உலகம் ஆவலுடன் காத்திருக்கிறது.