GPay, PhonePe, Paytm-க்கு வருகிறது ஆப்பு! இந்திய டிஜிட்டல் களத்தில் இறங்கிய “மகாபிரபு”! ஜோஹோ ஸ்ரீதர் வேம்புவின் அதிரடிப் படை!

 

இந்தியாவின் டிஜிட்டல் கட்டணச் சந்தை இனி முன்பு போல் இருக்காது!

இதுவரை கோலோச்சி வந்த GPay, PhonePe, Paytm போன்ற முன்னணி நிறுவனங்களின் ஆதிக்கத்திற்குச் சவால் விடும் வகையில், டெக் உலகின் ஜாம்பவான் ஜோஹோ (Zoho) நிறுவனம் களத்தில் குதித்துள்ளது! ஜோஹோவின் நிறுவனர் ஸ்ரீதர் வேம்பு அவர்களின் ஒவ்வொரு நகர்வும் இந்திய டிஜிட்டல் கட்டணச் சந்தையை அதிர வைத்துள்ளது.

அதிரடி 1: POS சாதனங்களுடன் நேருக்கு நேர் மோதல்!

ஜோஹோ நிறுவனர் ஸ்ரீதர் வேம்பு, தனது ‘X’ சமூக ஊடகப் பக்கத்தில், வர்த்தகர்கள் நேரடிப் பணப் பரிவர்த்தனையை ஏற்றுக்கொள்ள உதவும் புதிய POS (Point of Sale) சாதனங்களை அறிமுகப்படுத்தியுள்ளார்.

• இந்தச் சாதனங்கள் மூலம் இனி கடைகளில் டெபிட் கார்டுகள், கிரெடிட் கார்டுகள், UPI மற்றும் மொபைல் வாலெட்கள் என அனைத்தின் மூலமாகவும் பணம் செலுத்தலாம்.
• டிஜிட்டல் கட்டணச் சந்தையில் நேரடி வணிகப் பரிவர்த்தனைப் பிரிவில் ஆதிக்கம் செலுத்தத் தயாராகிவிட்டது ஜோஹோ!

அதிரடி 2: அரட்டை செயலியுடன் இணையும் Zoho Pay!

ஸ்ரீதர் வேம்புவின் அடுத்த மிகப் பெரிய அறிவிப்பு: ஜோஹோவின் உள்நாட்டு மெசேஜிங் செயலியான “அரட்டை” விரைவில் ஜோஹோ பே (Zoho Pay) உடன் ஒருங்கிணைக்கப்பட உள்ளது!

• ஏற்கனவே, 75 லட்சத்துக்கும் அதிகமான பதிவிறக்கங்களுடன் அசுர வளர்ச்சி கண்டுள்ள ‘அரட்டை’, பேமெண்ட் வசதியுடன் இணையும்போது அதன் வலிமை பல மடங்கு அதிகரிக்கும்.
• இந்தியாவின் மிகப்பெரிய டெக் நிறுவனமான ஜோஹோவின் இந்த நடவடிக்கை, டிஜிட்டல் கட்டணச் சந்தையில் ஒரு புதிய அத்தியாயத்தை எழுதும் என்று எதிர்பார்க்கப்படுகிறது!

RBI அங்கீகாரம்… NPCI உடன் கூட்டணி!

ஜோஹோ இந்தத் துறையில் சும்மா நுழையவில்லை. கடந்த ஆண்டே, ஜோஹோ ரிசர்வ் வங்கியால் (RBI) அதிகாரப்பூர்வ கட்டண ஒருங்கிணைப்பாளராக (Payment Aggregator) அங்கீகாரம் பெற்று, தனது ஆன்லைன் பேமெண்ட் தொகுப்பை அறிமுகப்படுத்தியது.

இந்தியாவின் கட்டண உள்கட்டமைப்பை வலுப்படுத்த, NPCI NBBL (National Payments Corporation of India’s New Bharat BillPay Limited) உடன் ஜோஹோ கூட்டணி அமைத்துள்ளது என்பது குறிப்பிடத்தக்கது.

இப்படி அனைத்து வியூகங்களுடனும் ஜோஹோ சந்தைக்குள் இறங்கியுள்ள நிலையில், GPay, PhonePe, Paytm போன்ற நிறுவனங்களின் ஆதிக்கம் இனி தொடருமா என்ற கேள்வி இந்திய டிஜிட்டல் வர்த்தகத் தளத்தில் எழுந்துள்ளது!