கடந்த அக்டோபர் 27 ஆம் தேதி கரூர் மாவட்டத்தை உலுக்கிய ஒரு துயரச் சம்பவம், இந்திய அரசியலையே அதிர வைத்தது. ‘தமிழக வெற்றி கழகம்’ தலைவர் விஜய்யின் பொதுக்கூட்டத்தின் போது ஏற்பட்ட கூட்ட நெரிசலில் சிக்கி 41 பேர் பரிதாபமாக உயிரிழந்தனர். இது மிகப்பெரிய சர்ச்சையைக் கிளப்பியது.
இந்நிலையில், உயிரிழந்தவர்களின் குடும்பத்தினரை மொத்தமாக ஒரே இடத்தில், திருமண மண்டபம் ஒன்றில் வரவழைத்து விஜய் சந்திக்கத் திட்டமிட்டுள்ளதாக ஒரு தகவல் சமூக வலைதளங்களில் காட்டுத் தீயாகப் பரவியது.
இயக்குநர் சேரனின் அதிரடிப் பதிவு!
இந்தச் செய்தி வெளியானவுடனே, பிரபல இயக்குநரும் நடிகருமான சேரன் தனது X (டுவிட்டர்) தளத்தில் ஒரு காட்டமான பதிவை வெளியிட்டார். விஜய்யின் இந்தத் திட்டத்தை அவர் கடுமையாக விமர்சித்தார்.
அவரது பதிவு இதோ:
“உயிர் இழந்தவர்கள் குடும்பங்களை கூட வரவைச்சுத்தான் ஆறுதல் சொல்லுவிங்களா சார். ரொம்ப தவறா இருக்கு விஜய். நேர்ல ஒவ்வொருவர் வீட்டுக்கு போறதுதான மரியாதை. அப்போதான உங்களுக்கு ஏற்பட்டிருக்கும் கலங்கம் விலகும்.
அது முடியாதுன்னா எதுக்குமே உங்களால மக்களோட நிக்கமுடியாது. நல்லது சொல்ல கூட இருங்க.. தவறா சொல்லி ஏத்திவிட வேண்டாம்..”
- இயக்குநர் சேரன்
சேரனின் இந்த வெளிப்படையான விமர்சனம், ‘மண்டபத்தில் சந்திப்பு’ என்ற தகவல் உண்மைதானா என்ற சந்தேகத்தை எழுப்பி, விஜய் ரசிகர்கள் மத்தியிலும் அரசியல் வட்டாரத்திலும் பெரும் விவாதத்தைக் கிளப்பியுள்ளது. மரியாதையா? விளம்பரமா? – விஜய் என்ன முடிவெடுக்கப் போகிறார்?
