மீண்டும் கைதாகும் ‘ஜெயில் பறவை’ மீரா மிதுன்; இம்முறை எதுக்கு தெரியுமா..?

இந்த செய்தியை பகிருங்கள்

திரைப்பட துறையில் இருந்தே தாழ்த்தப்பட்ட சமூகத்தை வெளியேற்ற வேண்டும்’ என்று கூறி வீடியோ வெளியிட்ட மீரா மிதுன் மீது சென்னை மத்திய குற்ற பிரிவு போலீசார் 7 பிரிவுகளின் கீழ் வழக்கு பதிவு செய்து
புழல் சிறையில் அடைத்தனர். அதனை தொடர்ந்து ஜாமினில் வெளியே வந்த மீரா மிதுனுக்கு ‘பேயை காணோம்’ என்ற படத்தில் முக்கிய வேடத்தில் நடிக்க வாய்ப்பு கிடைத்தது.

இந்த அப்படத்தின் ஷூட்டிங்க் கொடைக்கானலில் நடந்து வந்த நிலையில், மீரா மிதுன் அவருடன் வந்த உதவியாளர்கள் 6 பேரும் தலைமறைவாகியுள்ளனர். அதுமட்டுமின்றி மீரா மிதுன் மற்றும் அவரது உதவியாளர்கள் தங்கி வந்த அறையில் இருந்த பொருட்களும் திருடு போனதாக புகார் எழுந்தது. இந்த நிலையில் ‘பேய காணோம்’ படக்குழுவினர் உருவாகியிருந்த வாட்ஸப் க்ரூப்பில் நடிகை மீரா மிதுன் முதல்வர் ஸ்டாலினை அவதூறாக பேசி ஆடியோ பதிவிட்டதாக புகார் கொடுக்கப்பட்டு வழக்கு பதிவானது. இதனால் மீரா மிதுன் சென்னை உயர் நீதிமன்றத்தில் முன்ஜாமீன் கேட்டு மனுதாக்கல் செய்திருந்தார்.

அந்த மனுவில், ” ஆடியோ பதிவிட்டதாக கூறும் நாளில் வேறொரு துக்க நிகழ்வில் பங்கேற்று இருந்ததாகவும், தன் மீது பொய் வழக்கு போடப்பட்டிருப்பதாகவும்” மீரா மிதுன் கூறியிருந்தார். இதனை தொடர்ந்து சென்னை உயர் நீதிமன்றத்தில் இந்த மனு நீதிபதி ஜெயச்சந்திரன் முன்பு இன்று விசாரணைக்கு வந்தபோது காவல்துறை தரப்பில், மீரா மிதுன் இதேபோல ஒவ்வொருவர் மீதும் அவதூறு பரப்பி வருவதை வழக்கமாக வைத்துள்ளார் என்றும் ஏற்கனவே அவதூறாக பேசி கைதாகி சிறைக்கு சென்றுள்ளார் என்றும் தெரிவிக்கப்பட்டது.

அதுகுறித்து நீதிபதி விளக்கம் கேட்டபோது, மேற்கண்ட பட்டியலின வழக்கை காவல்துறை சுட்டிக்காட்டியது. மேலும், முதல்வரை குறித்து அவதூறாக பேசி பதிவிட்டுள்ள ஆடியோ குறித்து மீரா மிதுனிடம் உரிய விசாரணை நடத்த வேண்டும் என்றும் கோரிக்கை வைக்கப்பட்டது. இதனை ஏற்ற நீதிபதி, மீரா மிதுனின் முன்ஜாமீன் வழக்கை தள்ளுபடி செய்து உத்தரவிட்டதுடன் மீரா மிதுனை கைது செய்து விசாரிக்கவும், அவரது பதிவுகளை நீக்கவும் காவல்துறைக்கு அறிவுறுத்தினார்.


இந்த செய்தியை பகிருங்கள்

Contact Us