ஆளில்லா வீட்டில் பயங்கரம் – யார் அந்த மர்ம நபர்கள்?

இந்த செய்தியை பகிருங்கள்

திருச்சி மாவட்டம் திருச்சி அருகே பெட்டவாய்த்தலை காவேரி நகரை சேர்ந்தவர் பஞ்சவர்ணம் (55). அந்த பெண்ணின் கணவர் துபாயில் வேலை செய்து வருகிறார். இந்த தம்பதிக்கு 2 மகள்கள் உள்ளனர்.

இவரது மூத்த மகள் சென்னையில் வசித்து வருகிறார். அவரை பார்ப்பதற்காக கடந்த 3ஆம் தேதி பஞ்சவர்ணமும் அவரது இளைய மகளும் சென்னைக்கு சென்றுள்ளனர்.

இதில் கடந்த 15ஆம் தேதி இளைய மகள் மீண்டும் பெட்டவாய்த்தலை யில் உள்ள தனது வீட்டிற்கு வந்து மீண்டும் 17ஆம் தேதி சென்னை திரும்பியுள்ளார். இவர்களது வீட்டில் போலிகள் வளர்த்து வருகின்றனர்.

ஆகையால் பஞ்சவர்ணத்தின் உறவினரான நடராஜன் என்பவர் கோழிகளுக்குத் தீவனம் வைப்பதற்காக வீட்டிற்கு வந்துள்ளார். அப்போது வீட்டின் முன்பக்க கதவு உடைக்கப்பட்டு இருப்பதை கண்டார்.

அதனை கண்டு அதிர்ச்சி அடைந்த அவர் இந்த சம்பவம் குறித்து பெட்டவாய்த்தலை காவல் நிலையத்திற்கு விரைந்து தகவல் தெரிவித்தார். கிடைத்த அந்த தகவலின் பேரில் சம்பவ இடத்திற்கு வந்த காவல்துறையினர் மீது முழுவதும் ஆய்வு செய்தனர்.

திருட்டு சம்பவம் குறித்து காவல்துறையினர் கைரேகை நிபுணர்களை அழைத்து வந்து ஆய்வு செய்ததில் கொள்ளையில் ஈடுபட்ட 4 நபர்களுடைய கைரேகைகள் பதிவாகி இருந்தது. மேலும் மோப்ப நாய்களை அழைத்து, அதன் உதவியுடன் ஆய்வு மேற்கொண்டனர்.

இந்த கொள்ளை சம்பவத்தில் வீட்டில் இருந்த சுமார் 70 சவரன் தங்க நகைகள், 1.5 கிலோ வெள்ளி பொருட்கள், 7 பட்டுப் புடவைகள், தங்க வாட்ச் மற்றும் ரொக்கப்பணம் 2,20,000 என மொத்தமாக 13,15,000 மதிப்பிலான பொருட்கள் கொள்ளையடிக்கப்பட்ட தாக கூறப்படுகிறது.

இந்த வழக்கு குறித்து பெட்டவாய்த்தலை காவல்துறையினர் வழக்குப் பதிந்து கொள்ளையில் ஈடுபட்ட அந்த மர்ம நபர்களை தீவிரமாக வலைவீசி தேடி வருகின்றனர்.

வீட்டில் ஆளில்லாத சமயம் இவ்வாறு மர்ம நபர்கள் புகுந்து வீட்டில் இருந்த நகைகள் மற்றும் பொருட்களை திருடிச் சென்ற சம்பவம் அப்பகுதி மக்களிடையே பீதியை கிளப்பியுள்ளது


இந்த செய்தியை பகிருங்கள்

Contact Us