கள்ளக்காதல்… கணவன் 13 இடங்களில் குத்தி கொலை… திருப்பூரில் பெண் துணிகரம்

இந்த செய்தியை பகிருங்கள்

பல்லடம் அருகே கடந்த 4 ஆம் தேதி பனியன் நிறுவன தொழிலாளி 13 இடங்களில் குத்தி கொலை செய்யப்பட்ட விவகாரத்தில் பல்லடம் காவல்துறையினர் விசாரனை மேற்கொண்டதில் கள்ளகாதல் விவகாரத்தால் இறந்தவரின் மனைவியும் கள்ளக்காதலனும் சேர்ந்து கூலிப்படையை வைத்து கொலை செய்தது அம்பலமானது.

திருப்பூர் மாவட்டம் பல்லடத்தை அடுத்த தண்ணீர்பந்தல் பகுதியை சேர்ந்தவர் கோபால் (37). இவரது மனைவி சுசிலா. இவர்கள் தங்களது இரு குழந்தைகளுடன் தண்ணீர்பந்தலில் வசித்து வருகின்றனர். கோபால் சின்னக்கரையில் உள்ள தனியார் பனியன் நிறுவனத்தில் பணி புரிந்து வருகிறார். இந்த நிலையில், கடந்த 4 ஆம் தேதி பணி முடிந்து கோபால் தனது வீட்டுக்கு இரு சக்கர வாகனத்தில் சென்று கொண்டிருந்தார். அப்போது போன் வரவே ஒரு கடை முன்னே நின்று பேசி கொண்டிருந்த போது, அடையாளம் தெரியாத நபர்கள் அவரை கத்தியால் சரமாரியமாக குத்தினர். கழுத்து, வயிறு, மார்பு உள்ளிட்ட இடங்களில் 13 முறை குத்தியதில் கோபால் சம்பவ இடத்திலேயே உயிரிழந்தார். கத்தியால் குத்திய நபர்கள் இரு சக்கர வாகனத்தில் தப்பி சென்றனர்.

இந்த கொலையை பார்த்த அப்பகுதி பொதுமக்கள் உடனடியாக பல்லடம் காவல் துறையினருக்கு தகவல் அளித்தனர். திருப்பூர் மாவட்ட கண்காணிப்பாளர் சஷாங் சாய் சம்பவ இடத்துக்கு வந்து விசாரணை செய்தார். அதன் பின்னர் பிரேதத்தை கைப்பற்றி திருப்பூர் அரசு மருத்துவக்கல்லூரி மருத்துவமனைக்கு அனுப்பி வைத்தனர். சம்பவ இடத்திற்கு மோப்ப நாய் வரவழைக்கப்பட்டு சிறிது தூரம் ஓடியது. கொலைக்கான காரணம் குறித்தும், தப்பி ஓடிய மூவர் குறித்தும் பல்லடம் போலீசார் தீவிர விசாரணை மேற்கொண்டு வந்தனர்.

இந்நிலையில் இந்த கொலைக்கான காரணம் கள்ளக்காதல் விவகாரம் என போலீசாரின் விசாரணையில் தெரிய வந்துள்ளது. இறந்த நபரான கோபாலின் மனைவி சுசீலாவும், மாரீஸ்வரன் என்பவரும் ஒரு பனியன் நிறுவனத்தில் பணி புரிந்து வந்த போது இருவருக்கும் பழக்கம் ஏற்பட்டுள்ளது. நாளடைவில் கள்ளக்காதலாக மாறியது. கடந்த 3 வருடங்களாக இருவருக்குள்ளும் பழக்கம் ஏற்பட்டதை தொடர்ந்து, சுசீலா மாரீஸ்வரனை திருமணம் செய்து கொள்ள கூறியுள்ளார். ஏற்கனவே திருமணமான நிலையில் எப்படி திருமணம் செய்து கொள்வது என மாரீஸ்வரன் கேட்டதால், சுசீலா தன் கணவர் கோபாலை கொலை செய்யலாம் என தெரிவித்ததை தொடர்ந்து இருவரும் சேர்ந்து திட்டமிட்டுள்ளனர்.

கூலிப்படையை வைத்து கொலை செய்யலாம் என திட்டமிட்டு திருச்சியில் இருந்து கூலிப்படையை வரவழைத்துள்ளனர். அதனை தொடர்ந்து கடந்த புதன்கிழமை கோபால் கம்பெனி வேலையை முடித்து வீடு திரும்பும் போது மாரீஸ்வரன் ஏற்பாடு செய்த கூலிப்படையினர் கோபாலை 13 இடங்களில் கத்தியால் குத்தி கொலை செய்தது தற்போது காவல்துறையினரின் விசாரனையில் தெரியவந்துள்ளது.

இந்த கொலை சம்பவத்தில் தற்போது 6 நபர்களை பல்லடம் காவல்துறையினர் கைது செய்துள்ளனர். கோபால் மனைவி சுசீலாவின் கள்ளக்காதலன் மாரீஸ், கூலிப்படையை சேர்ந்த விஜய்,மணிகண்டன்,

உலகேஸ்வரன்,மதன் குமார், விநோத் ஆகியோரை காவல்துறையினர் கைது செய்துள்ளனர். மேலும் கொலைக்கு பயன்படுத்தப்பட்ட இரு சக்கர வாகனத்தையும் பறிமுதல் செய்து மேற்கொண்டு விசாரணை செய்து வருகின்றனர்.கள்ளக்காதலுக்காக மனவியே கள்ளக்காதலுடன் சேர்ந்து கணவனை கொலை செய்த சம்பவம் அப்பகுதியில் பெரும் அதிர்ச்சியை ஏற்படுத்தி உள்ளது.

 


இந்த செய்தியை பகிருங்கள்

Contact Us