நடிகை கீர்த்தி சுரேஷ் கடந்த வருடம் தனது நீண்ட நாள் காதலரான ஆண்டனி தட்டில் என்பவரைத் திருமணம் செய்துகொண்டார். திருமணத்திற்குப் பிறகும் அவர் தொடர்ந்து திரைப்படங்களில் நடித்து வந்தாலும், அவர் நடித்த படங்கள் எதிர்பார்த்த வெற்றியைப் பெறவில்லை. குறிப்பாக, சமீபத்தில் விஜய் மேலாளர் ஜெகதீஷ் பழனிச்சாமி தயாரித்த ரிவால்வர் ரீட்டா திரைப்படம் மோசமான தோல்வியைச் சந்தித்தது. இந்தச் சூழலில், சமூக வலைத்தளங்களில் அதிகம் இயங்கி வரும் கீர்த்தி சுரேஷ், திடீரென ஒரு இன்ப அதிர்ச்சியைக் கொடுக்கும் விதமாகத் தனது இன்ஸ்டாகிராம் பக்கத்தில் புதிய காணொளி ஒன்றைப் பகிர்ந்துள்ளார்.
அந்த வீடியோவில், தனது திருமணத்தின்போது நடந்த மகிழ்ச்சியான தருணங்களை அவர் கோர்வையாகப் பகிர்ந்துள்ளார். இது ரசிகர்களுக்குக் கிடைக்காத அவரது திருமணத்தின் ‘அன்சீன்’ (Unseen) காட்சிகள் கொண்ட வீடியோவாக அமைந்துள்ளது. இந்தக் காணொளியில் கீர்த்தி சுரேஷ் உற்சாகமாக நடனமாடுவது, தனது கணவர் ஆண்டனியுடன் செய்யும் சிறிய ரகளையான செயல்கள், இருவருக்கும் இடையேயான கலகலப்பான தருணங்கள் என அனைத்தும் அழகாகப் பதிவாகியுள்ளது. இந்தக் காணொளியைப் பகிர்ந்த அவருக்கு ரசிகர்கள் மற்றும் திரையுலக நண்பர்கள் தரப்பிலிருந்து அதிகமான வாழ்த்துக்களும் பாராட்டுக்களும் குவிந்து வருகின்றன.
பொதுவாக, திருமண நாள் கொண்டாட்டத்தின்போது அதற்கான புகைப்படங்களைப் பகிரும் ரசிகர்கள், கீர்த்தி சுரேஷ் தனது திருமண நாளன்று கொண்டாட்ட வீடியோவை வெளியிடாமல், இப்போது திடீரென திருமணத்தின்போது எடுத்த வீடியோவைப் பகிர்ந்துள்ளதைக் குறிப்பிட்டு சில ரசிகர்கள் கருத்து தெரிவித்துள்ளனர். “திருமண நாளைக்கூட வீட்டில் கொண்டாடாமல் அவ்வளவு பிஸியாக இருக்கிறாரா?” என்று சில ரசிகர்கள் கமெண்ட் செய்துள்ளனர். அதே சமயம், பெரும்பாலான ரசிகர்கள், “நீங்கள் என்றும் ஒற்றுமையுடன் வாழ வேண்டும்” என்று மனம் உருகி வாழ்த்து தெரிவித்து வருகின்றனர்.
கீர்த்தி சுரேஷின் 15 வருட ரகசியக் காதல், கடந்த வருடம் திருமணத்தில் கைகூடியது. அந்தக் காலகட்டத்தில் நடிகை கீர்த்தி சுரேஷின் திருமணம் பெரிதாகப் பேசப்பட்டது. முக்கியமாக, நடிகர் விஜய் தனி விமானத்தில் சென்று புதுமணத் தம்பதியை வாழ்த்தியிருந்தார். இது அப்போது கோலிவுட் வட்டாரத்தில் முக்கிய பேசுபொருளானது. அதுமட்டுமின்றி, நடிகை திரிஷாவும் கீர்த்தி சுரேஷ் திருமணத்திற்குச் சென்றது தொடர்பான சில கதைகளைப் பகிர்ந்தது, சில புதிய வதந்திகளுக்கும் வழிவகுத்தது. இத்தகைய பரபரப்புகளுடன் கீர்த்தி சுரேஷ் திருமணம் முடிந்து ஓராண்டு கடந்துள்ள நிலையில், ரசிகர்கள் இந்தப் புதிய காணொளியைக் கொண்டாடி வருகின்றனர்.