அதிபர் கோத்தபயவுக்கு ஆப்பு வைத்த பிரதமர் ரணில்… இலங்கை அரசியலில் மீண்டும் பரபரப்பு!

இந்த செய்தியை பகிருங்கள்

 

அதிபர் கோத்தபயவுக்கு எதிரான மக்கள் போராட்டத்துக்கு பிரதமர் ரணில் ஆதரவு தெரிவித்துள்ளது இலங்கை அரசியலில் மீண்டும் பரபரப்பை ஏற்படுத்தியுள்ளது.
இலங்கை சந்தித்துள்ள வரலாறு காணாத பொருளாதார நெருக்கடிக்கு பொறுப்பேற்று பிரதமர் மகிந்த ராஜபக்சே பதவி விலக வேண்டும் என்று வலியுறுத்தி நாடு முழுவதும் அண்மையில் மக்கள் போராட்டம் வெடித்தது.

இதனால் வேறு வழியின்றி பிரதமர் பதவியை ராஜினாமா செய்த மகிந்த ராஜபக்சே, தமது பூர்வ இல்லமும் போராட்டக்காரர்களால் தீயிட்டு கொளுத்தப்பட்டதால் உயிருக்கு பயந்து இலங்கை கடற்படையினரிடம் தஞ்சம் அடைந்துள்ளார்.

அவரை நாட்டை விட்டு வெளியேற கூடாது என்று கொழும்பு நீதிமன்றம் உத்தரவிட்டுள்ள நிலையில், கடந்த ஒரு வாரத்துக்கு மேலாக இலங்கையில் தொடர்ந்து வந்த மக்கள் போராட்டம் சற்று அடங்கி இருந்தது.
இந்நிலையில், இலங்கையின் புதிய பிரதமராக ரணில் விக்ரமசிங்கே சில தினங்களுக்கு பொறுப்பேற்றதையடுத்து, அதிபர் கோத்தபய ராஜபக்சேவும் பதவி விலக வேண்டும் என்ற கோரிக்கையை நாட்டு மக்கள் முன்வைத்துள்னர். தங்களது கோரிக்கையை ஏற்று கோத்தபய பதவி விலகாவிட்டால் நாடு முழுவதும் மீண்டும் போராட்டங்கள் தீவிரபடுத்தப்படும் என்றும் அவர்கள் எச்சரி்த்துள்ளனர்.

இதனால் அதிபர் கோத்தபய அதிர்ச்சி அடைந்துள்ள நிலையில், இந்த விஷயத்தில் பிரதமர் ரணிலின் அணுகுமுறை அதிபரை மேலும் அதிர்ச்சியடைய செய்துள்ளது.

‘வீட்டுக்கு செல் கோத்தா’ என்ற மக்களஅ போராட்டம் தொடர வேண்டும். அப்போதுதான் இலங்கை அரசியல் அமைப்பில் புதிய மாற்றம் ஏற்படும் என்று அதிபருக்கு எதிராக அவர் தெரிவித்துள்ள கருத்து இலங்கை அரசியலில் மீண்டும் பரபரப்பை ஏற்படுத்தி உள்ளது.


இந்த செய்தியை பகிருங்கள்

Contact Us