AK 64: அதிர்ச்சித் தகவல்! விஜய்யின் தயாரிப்பாளருடன் இணையும் அஜித்தா? ரசிகர்கள் மத்தியில் பரபரப்பு!
அஜித் ரசிகர்களின் நீண்டநாள் எதிர்பார்ப்பான AK64 படத்தின் அதிகாரப்பூர்வ அறிவிப்புக்காக ஒட்டுமொத்த கோலிவுட்டும் காத்திருக்கிறது. இயக்குனர் ஆதிக் ரவிச்சந்திரன் என்று உறுதியான நிலையில், தயாரிப்பாளர் யார் என்பதுதான் இப்போது மிகப்பெரிய கேள்வியாக இருக்கிறது.
சத்யஜோதி பிலிம்ஸ், விநியோகஸ்தர் ராகுல் எனப் பலரின் பெயர்கள் அடிபட்ட நிலையில், தற்போது ஒரு அதிர்ச்சியான தகவல் காட்டுத்தீயாகப் பரவி வருகிறது.
லலித்துடன் அஜித்தின் பேச்சுவார்த்தை: என்ன காரணம்?
விஜய்யின் ஆஸ்தான தயாரிப்பாளர்களில் ஒருவரான லலித் குமார் உடன் அஜித் தரப்பு பேச்சுவார்த்தை நடத்தி வருவதாகத் தகவல்கள் வெளியாகியுள்ளன. மாஸ்டர், லியோ என விஜய்யின் இரண்டு மெகா ஹிட் படங்களைத் தயாரித்தது மட்டுமல்லாமல், அவரின் வாரிசு படத்தையும் விநியோகம் செய்து வெற்றிகண்டவர் லலித்.
அப்படிப்பட்ட லலித்துடன் அஜித் தரப்பு சந்தித்துப் பேசியுள்ளது, AK64 படத்திற்காகத்தான் இந்த சந்திப்பு நடந்திருக்கலாம் என்ற கேள்வியை எழுப்பியுள்ளது. ஒருவேளை, ராகுல் அல்லாமல் லலித் குமார் AK64 படத்தை தயாரித்தால், அது விஜய்யின் ரசிகர்களுக்கும் அஜித் ரசிகர்களுக்கும் ஒரு புதிய உற்சாகத்தை ஏற்படுத்தும் என்பதில் சந்தேகமில்லை.
யார் தயாரிப்பாளர்? குழப்பத்தில் கோடம்பாக்கம்
ஆனாலும், இந்தத் தகவல் எந்த அளவிற்கு உண்மை என்று தெரியவில்லை. பெரும்பாலானோர் ராகுல் தான் AK64 திரைப்படத்தை தயாரிக்கிறார் என்று உறுதியாக நம்புகின்றனர். அவர்தான் படத்தின் ஆரம்பகட்ட வேலைகளை (pre-production) பார்த்து வருவதாகவும் தகவல்கள் கூறுகின்றன. ஆனால் லலித் உடன் நடந்த பேச்சுவார்த்தை குறித்த மர்மம் இன்னும் விலகவில்லை.
குட் பேட் அக்லி படத்தை ரசிகர்களுக்காக எடுத்த ஆதிக் ரவிச்சந்திரன், AK64 திரைப்படம் அதிலிருந்து முற்றிலும் மாறுபட்டதாக இருக்கும் என்று கூறியுள்ளார். அக்டோபர் அல்லது நவம்பர் மாதத்தில் படப்பிடிப்பு தொடங்கும் நிலையில், AK64 திரைப்படத்தின் தயாரிப்பாளர் யார் என்பது குறித்த இந்த குழப்பத்திற்குப் விரைவில் ஒரு முடிவு வரும் என்று எதிர்பார்க்கலாம்.
விஜய்யின் தயாரிப்பாளர், அஜித்தின் படத்தைத் தயாரிக்கிறாரா? அல்லது ராகுல் தான் தயாரிப்பாளரா? இந்த ட்விஸ்ட் என்ன என்பது பொறுத்திருந்துதான் பார்க்க வேண்டும்.
