இயக்குநர் ஹெச். வினோத் இயக்கத்தில் தளபதி விஜய் நடிப்பில் உருவாகி வரும் “ஜனநாயகன்” திரைப்படம், அடுத்த ஆண்டு பொங்கல் சீசனில் திரையரங்குகளில் வெளிவரும் என அதிகாரப்பூர்வ அறிவிக்கப்பட்டுள்ளது. இப்படத்தில் தளபதி விஜய்யுடன் சேர, பூஜா ஹெக்டே, மமிதா பைஜூ, கவுதம் மேனன், பாபி தியோல், ப்ரியாமணி உள்ளிட்ட முன்னணி நட்சத்திரங்கள் நடித்துவருகின்றனர்.
இந்நிலையில், தமிழ்நாட்டு திரையரங்கு வெளியீட்டு உரிமைகள் தொடர்பாக ஒரு அதிரடி தகவல் வெளியாகியுள்ளது. GOAT படத்தை தொடர்ந்து, “ஜனநாயகன்” படத்தின் வெளியீட்டு உரிமையை பிரபலமான ரோமியோ பிக்சர்ஸ் நிறுவனம் கைப்பற்றியுள்ளது என்ற தகவல் வெளியாகியுள்ளது.
இந்த புதிய அறிவிப்பு, ரசிகர்களிடையே பெரும் எதிர்பார்ப்பையும் உற்சாகத்தையும் உருவாக்கியுள்ளது.