கோர்ட்டு எச்சரிச்சும் அடங்காத தவெக தொண்டர்கள், மாதா மண்டப சுவரையே இடிச்சு தள்ளி இருக்காங்க. இந்த சம்பவம், தமிழக வெற்றிக் கழகத் தலைவர் விஜய்-க்கு பெரும் தலைவலியைக் கொடுத்துள்ளது.
நேற்று முன்தினம் திருவாரூர் புத்தூர் அண்ணா சிலையில் விஜய் பிரச்சாரம் செய்தபோது கூட்டம் அலைமோதியிருக்கு. அந்த வேகத்துல, போலீஸ் போட்ட நிபந்தனைகளையெல்லாம் காத்துல விட்டுட்டாங்க தவெக தொண்டர்கள். கட்டிட மேல, கூரை மேலன்னு ஏறி, கலாட்டா செஞ்சவங்க, பக்கத்துல இருந்த வேளாங்கண்ணி பேராலயத்துக்குச் சொந்தமான மாதா திருமண மண்டபத்தின் சுற்றுச்சுவரையும் இடிச்சுத் தள்ளி இருக்காங்க.
இதைப்பத்தி கோர்ட்டுல ஏற்கனவே விஜய்-க்கு கண்டனம் தெரிவித்து வழக்கு நடந்துக்கிட்டு இருக்கு. பொதுச் சொத்துக்களை நாசப்படுத்துறத பத்தி கோர்ட்டு பலமுறை எச்சரிச்சிருக்கு. ஆனா, இதையெல்லாம் மறந்துட்டு தவெக தொண்டர்கள் இப்படி நடந்துக்கிட்டது, பெரும் விமர்சனங்களை ஏற்படுத்தி இருக்கு.
பொதுக்கூட்டங்கள் நடத்துற கட்சிகளிடமிருந்து பாதுகாப்பு வைப்புத்தொகை வாங்கணும்னு கோர்ட்டு சொன்னதும் இதுக்குதான். இப்படி கூட்டம் போடுறப்போ பொதுச் சொத்துக்கு சேதம் ஏற்பட்டா, அந்த தொகையிலிருந்து அதை ஈடுசெய்யலாம்னு கோர்ட்டு சொன்னது இவங்களுக்கு புரியலையான்னு எல்லாரும் கேள்வி எழுப்பி இருக்காங்க.
தனியார் சொத்துக்களை சேதப்படுத்தினதுக்காக, நாகை மாவட்ட தவெக நிர்வாகிகள் மீது போலீசார் வழக்கு பதிவு செய்திருக்காங்க. இந்த சம்பவம், தமிழக வெற்றிக் கழகத்துக்கு மேலும் ஒரு பின்னடைவை ஏற்படுத்தியுள்ளது.
