Wednesday, July 18 2018

LYAC TV

தன்னை சீரழித்தவர்களுக்கு தண்டனை கிடைக்கும்வரை நகர மறுத்த பெண்!

Jun 19, 2018    1190

தன்னை சீரழித்தவர்களுக்கு தண்டனை கிடைப்பதைக் காணும் வரை பொலிவியாவை விட்டு வெளியேற மாட்டேன் என உறுதியாக இருந்துள்ளார் ஒரு பிரித்தானியக் குடியுரிமை பெற்ற பெண்.

பிரித்தானியக் குடியுரிமை பெற்ற ரஷ்யப் பெண்ணான Vasilisa Komarova (37), சிலியிலிருந்து அலாஸ்காவிற்கு தனது மோட்டார் சைக்கிளில் பயணித்துள்ளார்.

6000 மைல்கள் கடந்து பொலிவியாவுக்கு வந்த அவர் Rurrenabaque என்னுமிடத்தில் கூடாரம் ஒன்றில் ஓய்வு எடுத்துக் கொண்டிருந்தார்.

அப்போது அங்கு பட்டாக் கத்திகளுடன் வந்த மூவர், கத்தி முனையில் குறித்த பெண்ணை பலாத்காரம் செய்ததோடு குற்றுயிரும் குலையுயிருமாக அவரை விட்டு விட்டு அவரது உடைமைகளையும் கொள்ளையடித்துச் சென்றனர்.

தன்னைச் சீரழித்தவர்களை சட்டத்தின் முன் நிறுத்த போராடிய Vasilisa, அவர்கள் தண்டிக்கப்படுவதைக் காணும் முன் பொலிவியாவை விட்டு நகர மறுத்தார்.

பொலிவிய அரசு அவருக்கு உதவ மறுத்தாலும், பிரித்தானியா பெரிய அளவில் அவருக்கு உதவியது.

இறுதியாக நியாயம் வென்றது, அவரை சீரழித்தவர்கள் மூவருக்கும் மொத்தமாக 42 ஆண்டுகள் சிறைத்தண்டனை விதித்து நீதிமன்றம் தீர்ப்பளித்துள்ளது.

 


Loading...