கனடாவில் கொலைக்குற்றச்சாட்டில் இரு தமிழர்கள் – என்ன நடந்தது?

கனடாவின் பிக்ரிங் பகுதியில் நடந்த கொலைச் சம்பவம் தொடர்பாக இரண்டு தமிழர்கள் மீது குற்றச்சாட்டுகள் பதிவு செய்யப்பட்டுள்ளன.

மார்ச் மாதம் தொடக்கத்தில், மார்கம் நகரை சேர்ந்த கோகிலன் பலமுரளி மற்றும் டொரண்டோவின் பிரன்னன் பாலசேகர் ஆகியோர், கடந்த 7 மற்றும் 8 ஆம் திகதிகளுக்கிடையில் கொலைச் சதி திட்டத்தில் ஈடுபட்டதாக கைதுசெய்யப்பட்டனர்.

மார்ச் 8 ஆம் திகதியில் அவர்கள் இருவரும் கொலை சதியில் ஈடுபட்ட குற்றச்சாட்டில் கைது செய்யப்பட்டனர்.

இந்நிலையில், டொரண்டோ பொலிஸார் பிக்ரிங் பகுதியில் விசாரணை நடத்தினாலும், அதற்கான காரணங்களை வெளியிடவில்லை.

நேற்று, குற்றச்சாட்டுகளுடன் நீதிமன்றத்தில் முன்னிலையாகிய போது, அவர்களது மீதும் மேலும் மூன்று கொலை சதி குற்றச்சாட்டுகள் மற்றும் இரண்டு சொத்துத் திருட்டு குற்றச்சாட்டுகள் பதிவாகியுள்ளன.

மேலும், குறித்த வழக்கு ஸ்கார்பரோவில் உள்ள ஒரு பேக்கரி மற்றும் பிக்ரிங்கில் உள்ள இரண்டு உணவகங்களுடன் தொடர்புடையது என நீதிமன்ற ஆவணங்கள் தெரிவிக்கின்றன.

கோகிலன் பலமுரளி மற்றும் பிரன்னன் பாலசேகர் இருவரும், எதிர்வரும் ஏப்ரல் 11 ஆம் திகதியில் மீண்டும் நீதிமன்றத்தில் முன்னிலையாகவுள்ளனர்.