சில கம்பியூட்டர் ஹக்கர்கள், HUD தலைமையகத்தின் கஃபேட்டிரியா திரைகளில் டிரம்ப், ஈலோன் மஸ்கின் பாதங்களை முத்தமிடும் வீடியோவை ஒளிபரப்பினர்: பார்க அப்படியே தத்துரூபாக இந்த வீடியோ செய்யப்பட்டு இருந்தது. இதில் ” நிஜமான ராஜா நீடூடி வாழ்க” என்ற வாசகத்தையும் ஹக்கர்கள் கூடவே இணைத்தும் இருந்தார்கள்.
அமெரிக்காவின் வீட்டுவசதி மற்றும் நகர்ப்புற மேம்பாட்டுத் துறை (HUD) தலைமையகத்தின் கஃபேட்டிரியா திரைகளில் ஹேக்கர்கள் அதிபர் டொனால்ட் டிரம்ப், டெஸ்லா நிறுவன தலைவர் ஈலோன் மஸ்கின் பாதங்களை முத்தமிடும் ஒரு வீடியோவை ஒளிபரப்பி பெரும் பரபரப்பை தோற்றுவித்துள்ளார்கள். இந்த வீடியோ தற்போது சமூக வலையத் தளங்களில் தீயாகப் பரவி வருகிறது.
இந்த வீடியோவில் ‘நிஜ ராஜாவுக்கு நீடூழி வாழ்க’ (LONG LIVE THE REAL KING) என்ற வாசகமும் இடம்பெற்றிருந்தது. இந்த சம்பவம் HUD இன் பாதுகாப்பு அமைப்புகளில் ஏற்பட்ட பலவீனத்தை எடுத்துக்காட்டுகிறது. அதிகாரிகள் இந்த சம்பவத்தை தீவிரமாக விசாரித்து வருகின்றனர்.
ஆனால் இதுவரை எவரையும் கைது செய்ய முடியவில்லை. இது டொனால் ரம்புக்கு பெரும் அவமானத்தை தேடித் தந்துள்ளது. உண்மையில் அது தான் வெள்ளை மாளிகையில் நடக்கிறது என்று சில அமெரிகர்கள் தமது கருத்தை வெளியிட்டு வருகிறார்கள்.