ஃபோர்ப்ஸ் பத்திரிகை ஒவ்வொரு ஆண்டும் உலகின் பணக்காரர்களின் பட்டியலை வெளியிட்டு வருகிறது. அந்த வகையில், கடந்த 2-ம் தேதி 39வது ஆண்டு உலக பணக்காரர்களின் பட்டியலை ஃபோர்ப்ஸ் வெளியிட்டுள்ளது.
இந்த ஆண்டின் பட்டியலில் 3,028 பேர் இடம்பிடித்துள்ளனர். கடந்த ஆண்டுடன் ஒப்பிடும்போது, இந்த ஆண்டு 247 பேர் கூடுதலாக இந்த பட்டியலில் இடம்பெற்றுள்ளனர்.
இந்த பட்டியலில் முதன்மையான இடத்தை ஸ்பேஸ்எக்ஸ் மற்றும் டெஸ்லா நிறுவனங்களின் உரிமையாளரும், உலகம் புகழ்பெற்ற தொழிலதிபருமான எலான் மஸ்க் பிடித்துள்ளார். இவர் தற்பொழுது 342 பில்லியன் அமெரிக்க டொலர்களுடன் முதலிடத்தில் உள்ளார். கடந்த ஓராண்டில் எலான் மஸ்கின் சொத்து மதிப்பில் 147 பில்லியன் டொலர்கள் கூடியது என்று ஃபோர்ப்ஸ் செய்தி நிறுவனம் தெரிவித்துள்ளது.
அவரைத் தொடர்ந்து, ஃபேஸ்புக் நிறுவனத்தின் நிறுவனர் மார்க் ஜுக்கர்பர்க் 216 பில்லியன் டொலருடன் இரண்டாம் இடத்தில் உள்ளார். அதேபோல், அமேசான் நிறுவனத்தின் உரிமையாளரான ஜெஃப் பெசாஸ் 215 பில்லியன் டொலருடன் மூன்றாம் இடத்தில் உள்ளார்.
உலக பணக்காரர்களின் முதல் 10 இடங்களில் 8 பேர் அமெரிக்கர்களாகவும், 1 பேர் பிரான்ஸ் நாட்டைச் சேர்ந்தவரும், 1 பேர் ஸ்பெயின் நாட்டைச் சேர்ந்தவரும் உள்ளனர்.