இளைஞர்கள் மற்றும் சிறுவர்கள் மத்தியில் பிரபலமாக உள்ள காஃபின் நிறைந்த எனர்ஜி டிரிங்க்ஸ் (Energy Drinks) விற்பனைக்கு 16 வயதுக்குட்பட்டவர்களுக்குத் தடை விதிக்கப்பட்டுள்ளது. இந்த பானங்கள் உங்கள் உடலுக்குள் சென்றதும் நிமிடம் நிமிடமாக என்னென்ன கொடூரமான விளைவுகளை ஏற்படுத்துகின்றன என்பது குறித்த அதிர்ச்சி ரிப்போர்ட் இதோ.
ஒரு எனர்ஜி டிரிங்க் குடித்த பிறகு உங்கள் உடலில் நடப்பது என்ன?
- முதல் 10 நிமிடங்கள்: 🕒 குடித்த உடனேயே, அதில் உள்ள காஃபின் உங்கள் இரத்தத்தில் கலக்கத் தொடங்குகிறது. உங்கள் இதயத் துடிப்பு மற்றும் இரத்த அழுத்தம் மெதுவாக அதிகரிக்க ஆரம்பிக்கிறது.
- 15 முதல் 45 நிமிடங்கள் வரை: 📈 இந்த நேரத்தில், உங்கள் இரத்தத்தில் காஃபின் அளவு உச்சத்தை அடைகிறது. நீங்கள் திடீரென அதிக ஆற்றலுடனும், விழிப்புடனும், கவனம் செலுத்துவது போலவும் உணர்வீர்கள். ஆனால் இது ஒரு மாயையே. உங்கள் உடலின் இயற்கையான செயல்பாட்டை இந்த பானம் சீர்குலைக்கிறது.
- 50 நிமிடங்களுக்குப் பிறகு: 💥 உங்கள் உடல், அந்த பானத்தில் உள்ள அத்தனை சர்க்கரையையும் கிரகித்துவிடும். இதற்கு எதிர்வினையாக, உங்கள் கல்லீரல் அதிகப்படியான சர்க்கரையை கொழுப்பாக மாற்றி சேமிக்கத் தொடங்கும். இதுவே உடல் பருமனுக்கு முதல் படி.
- 1 மணி நேரத்திற்குப் பிறகு (சுகர் கிராஷ்): உங்கள் உடலில் காஃபின் மற்றும் சர்க்கரையின் தாக்கம் குறையத் தொடங்கும். அப்போது நீங்கள் திடீரென மிகவும் சோர்வாகவும், எரிச்சலாகவும், ஆற்றல் இல்லாதது போலவும் உணர்வீர்கள். இதற்கு ‘சுகர் கிராஷ்’ (Sugar Crash) என்று பெயர். மீண்டும் ஒரு எனர்ஜி டிரிங்க் குடிக்க வேண்டும் என்ற எண்ணம் அப்போதுதான் தோன்றும்.
- 5 முதல் 6 மணி நேரம் வரை: ⏳ உங்கள் இரத்தத்தில் உள்ள காஃபின் அளவில் பாதியைக் குறைக்க, உங்கள் உடலுக்கு இவ்வளவு நேரம் தேவைப்படுகிறது.
- 12 மணி நேரத்திற்குப் பிறகு: 🌙 பெரும்பாலானோரின் உடலிலிருந்து காஃபின் முழுமையாக வெளியேற 12 மணி நேரம் ஆகும். இது உங்கள் வயது, உடல்நிலை மற்றும் செயல்பாடுகளைப் பொறுத்து மாறுபடலாம்.
உயிரைப் பறிக்கும் பேராபத்துகள்! தடை செய்யப்பட்டது?
- மாரடைப்பு அபாயம்: அதிகப்படியான காஃபின், இதயத் துடிப்பை மிக மோசமாகப் பாதித்து, சீரற்ற இதயத் துடிப்பு, உயர் இரத்த அழுத்தம் மற்றும் இளம் வயதிலேயே மாரடைப்புக்கு வழிவகுக்கும்.
- கடும் மன அழுத்தம் மற்றும் பதட்டம்: இது மூளையின் செயல்பாட்டைத் தூண்டி, தூக்கமின்மை, பதட்டம், நடுக்கம் மற்றும் மனநல பாதிப்புகளை ஏற்படுத்துகிறது.
- பல் சிதைவு மற்றும் உடல் பருமன்: இதில் உள்ள அதிகப்ப “சர்க்கரை மற்றும் அமிலம்” பற்களின் எனாமலை அரித்து, பல் சிதைவை ஏற்படுத்துகிறது. அதிக கலோரி கொண்ட இந்த பானங்கள் உடல் பருமன் மற்றும் டைப்-2 நீரிழிவு நோய்க்கான முக்கிய காரணமாகும்.
- போதைக்கு அடிமையாதல்: தொடர்ந்து குடிக்கும்போது, காஃபினுக்கு உடல் அடிமையாகிவிடும். அது கிடைக்காதபோது கடுமையான தலைவலி, சோர்வு மற்றும் எரிச்சல் உண்டாகும்.
சிறுவர்களின் உடல் உறுப்புகள் முழு வளர்ச்சி அடையாத நிலையில், இந்த பானங்கள் அவர்களின் இதயத்தையும் மூளையையும் மிக மோசமாகப் பாதிக்கின்றன. இந்த கொடிய ஆபத்துகளால்தான், 16 வயதுக்குட்பட்டவர்களுக்கு இதன் விற்பனை தடை செய்யப்பட்டுள்ளது. இது வெறும் பானம் அல்ல, உங்கள் உயிரைப் பறிக்கும் நஞ்சு என்பதைப் புரிந்துகொள்வது அவசியம்.
