ஐரோப்பியக் கனவுடன் படகில் பயணித்த புலம்பெயர்ந்த அகதிகளுக்கு கிரீஸ் நாட்டில் மீண்டும் ஒரு பெரும் சோகம் நிகழ்ந்துள்ளது.
கிரீஸின் லெஸ்போஸ் தீவின் தெற்குக் கரைக்கு அப்பால், புலம்பெயர்ந்தோர் சென்ற படகு ஒன்று கடலில் கவிழ்ந்ததில் நான்கு பேர் உயிரிழந்துள்ளனர். இதில் ஒரு சிறு குழந்தையும், இரண்டு பெண்களும், ஒரு ஆணும் அடங்குவர்.
நடந்தது என்ன?
- ஐரோப்பாவை அடைவதற்காக சுமார் 38 பேர் துருக்கியிலிருந்து சிறிய படகு ஒன்றில் லெஸ்போஸ் தீவை நோக்கிப் பயணித்துள்ளனர்.
- நேற்றைய தினம் படகு தீவின் தெற்குக் கடற்கரைக்கு அருகில் பாறை நிறைந்த பகுதியில் திடீரென கவிழ்ந்தது.
- தகவல் அறிந்ததும் கிரீஸ் கடலோர காவல்படையினர் மீட்புப் பணியைத் தீவிரப்படுத்தினர்.
34 பேர் உயிர்பிழைத்தனர்!
- படகில் பயணித்தவர்களில் 34 பேர் தாங்களாகவே நீந்தி கரைக்கு வந்துள்ளனர். அவர்களைக் காவல்துறையினர் மீட்டுள்ளனர்.
- விபத்தில் சிக்கி கடலில் மூழ்கிய நான்கு பேரின் உடல்களைக் கடலோர காவல்படையினர் மீட்டனர்.
- படகில் மொத்தம் 38 பேர் இருந்ததாக உயிர் பிழைத்தவர்கள் தெரிவித்ததை அடுத்து, தேடுதல் பணி நிறுத்தப்பட்டுள்ளது.
ஆபத்தான கடல் பயணத்தின் மூலம் மத்திய கிழக்கு மற்றும் ஆப்பிரிக்க நாடுகளில் இருந்து வறுமை மற்றும் போரினால் பாதிக்கப்பட்டு மக்கள் ஐரோப்பாவை அடைய கிரீஸ் முக்கிய நுழைவாயிலாக உள்ளது. பாதுகாப்பற்ற சிறிய படகுகளில் செல்லும் இவர்களின் பயணம் தொடர்ந்து துயரத்தை அளித்து வருகிறது. கடலின் சீற்றம் மற்றும் விபத்துக்கான சரியான காரணம் உடனடியாகத் தெரியவில்லை.
