மனித இனம் இதுவரை கண்டிராத ஒரு புதிய அறிவியல் புரட்சியை சீனா நிகழ்த்தியுள்ளது. சீனாவின் ‘கைவா டெக்னாலஜி’ நிறுவனம், உலகின் முதல் ‘கர்ப்ப ஹுமனாய்டு’ ரோபோவை உருவாக்குவதாக அறிவித்துள்ளது. இந்த ரோபோ, ஒரு மனிதப் பெண்ணின் கர்ப்பம் தரிப்பது போலவே, கருவைச் சுமந்து, ஒரு முழுமையான குழந்தையை பெற்றெடுக்கும் திறன் கொண்டது என்று அந்நிறுவனம் தெரிவித்துள்ளது.
அதிர்ச்சியூட்டும் அறிவியல் கண்டுபிடிப்பு!
பெய்ஜிங்கில் நடைபெற்ற உலக ரோபோ மாநாட்டில், ‘கைவா டெக்னாலஜி’யின் நிறுவனர் டாக்டர் ஜாங் கிஃபெங் இந்த புரட்சிகரமான திட்டத்தை வெளிப்படுத்தினார். செயற்கை கருப்பை தொழில்நுட்பத்துடன், ஒரு முழுமையான மனித உருவம் கொண்ட ரோபோவின் வயிற்றில், கருவை சுமந்து, ஒரு முழு கால குழந்தையைப் பெற்றெடுக்க முடியும் என்று அவர் கூறினார். இந்த செயற்கை கருப்பை, மனித கருப்பையின் அனைத்து செயல்பாடுகளையும் துல்லியமாக mimic செய்யக்கூடியது என்று கூறப்படுகிறது. இது செயற்கை அம்னியாட்டிக் திரவம் மற்றும் ஊட்டச்சத்து விநியோக அமைப்பைக் கொண்டுள்ளது.
அடுத்தது என்ன?
இந்த ரோபோவின் முதல் prototype 2026-ஆம் ஆண்டில் வெளியிடப்படும் என்று அறிவிக்கப்பட்டுள்ளது. இதன் விலை சுமார் 100,000 யுவான் (தோராயமாக $13,900 USD) இருக்கும் என்று மதிப்பிடப்பட்டுள்ளது. இது பாரம்பரிய வாடகைத் தாய் முறையை விட மிகவும் குறைவான செலவில், குழந்தை இல்லாத தம்பதியருக்கு ஒரு வரப்பிரசாதமாக அமையும் என்று நிறுவனம் நம்புகிறது.
எதிர்காலமும், விவாதங்களும்
இந்தக் கண்டுபிடிப்பு ஒருபுறம் மலட்டுத்தன்மைக்கு ஒரு தீர்வாகப் பார்க்கப்பட்டாலும், மறுபுறம் இது பல தார்மீக மற்றும் சட்டரீதியான விவாதங்களை எழுப்பியுள்ளது. “ஒரு ரோபோவால் பெற்றெடுக்கப்படும் குழந்தைக்கு உணர்வு ரீதியான பிணைப்பு எப்படி இருக்கும்? பெற்றோர் யார்? ஒரு குழந்தையின் உரிமைகள் என்ன?” போன்ற கேள்விகள் எழுந்துள்ளன. இருப்பினும், இந்த தொழில்நுட்பம் மருத்துவ ஆராய்ச்சி மற்றும் இனப்பெருக்க அறிவியலில் ஒரு புதிய அத்தியாயத்தைத் திறக்கும் என்று விஞ்ஞானிகள் கூறுகின்றனர்.
