இத்தாலியில் உள்ள எலோன் மஸ்கின் முக்கிய டீலர்ஷிப்களில் ஒன்றில், ரோமில் 17 டெஸ்லா கார்கள் தீக்கிரையாக்கப்பட்டு பெரும் அதிர்ச்சியை ஏற்படுத்தியுள்ளது. இந்த விபத்து, அமெரிக்காவில் மட்டும் நடந்த டெஸ்லா தாக்குதல்கள் இப்போது ஐரோப்பாவிலும் பரவிவிட்டதை வெளிப்படுத்துகிறது.
ரோமில் ஏற்பட்ட விபத்தில், தீயணைப்பு சேவை கூறியது – தீ விபத்தின் காரணத்தை பற்றி இன்னும் விசாரணைகள் நடைபெற்று வருகின்றன. சில குறிப்புகளின் படி, விபத்து தீ வைப்பு சம்பவமாக இருக்கலாம்.
இந்நிலையில், எலோன் மஸ்க் தனது வலதுசாரி நடவடிக்கைகளுக்கு பதிலளிக்கும் விதமாக, பல நாடுகளில் டெஸ்லா கார்கள் இலக்காகி வருகின்றன. கடந்த இரண்டு வாரங்களுக்கு முன்பு, திட்டமிடப்பட்ட தாக்குதலில் குறைந்தது ஐந்து டெஸ்லா வாகனங்கள் சேதமடைந்தன; இதில் இரண்டு கார்கள் தீக்கிரையாக்கப்பட்டன, மற்றவை துப்பாக்கி தாக்குதலால் சுடப்பட்டதென கூறப்படுகிறது.
மேலும், டெக்சாஸின் ஆஸ்டினில் உள்ள டெஸ்லா டீலர்ஷிப்பில் பல தீவைக்கும் சாதனங்கள் கண்டுபிடிக்கப்பட்டதாக காவல்துறை தெரிவித்துள்ளது. ஐரோப்பாவில், ஜெர்மனியின் பெர்லினில் முதல் முறையாக டெஸ்லா மீது தாக்குதல் நிகழ்ந்துள்ளது.
உள்ளூர் பயங்கரவாத தாக்குதல்களும், டெஸ்லா தொழிற்சாலைகளுக்கு எதிரான தாக்குதல்களும் தொடர்ந்து நடைபெற்று வருகின்றன. இந்த தாக்குதல்களை, டிரம்ப் நிர்வாகம் உள்ளூர் பயங்கரவாத செயலாகக் கருதி, FBI ஒரு சிறப்புப் பணிக்குழுவை தொடங்கியுள்ளது.
அதேசமயம், டொனால்ட் டிரம்ப், டெஸ்லா மீது நடக்கும் தாக்குதல்களை கண்டித்து, தனது முழு ஆதரவை டெஸ்லா நிறுவனத்திற்கு வழங்குவதாக அறிவித்துள்ளார். மேலும், டெஸ்லா மீது தாக்குதலில் ஈடுபடும் நபர்கள், உலகின் மிக மோசமான எல் சால்வடோர் சிறைகளில் தங்கள் தண்டனையை அனுபவிக்க நேரிடும் என்றும் எச்சரிக்கை விடுத்தார்.