ஆப்பிரிக்க நாடான மாலி (Mali), அமெரிக்காவிலிருந்து வரும் பயணிகளுக்கு விசா வழங்குவதில் கடுமையான கட்டுப்பாடுகளை விதித்துள்ளது. இது, அமெரிக்கா ஏற்கெனவே தங்கள் நாட்டுப் பயணிகள் மீது விதித்த விசா கட்டுப்பாடுகளுக்குப் பழிவாங்கும் நடவடிக்கையாக (Retaliatory Measure) பார்க்கப்படுகிறது.
கட்டணம் எவ்வளவு?
அமெரிக்காவிலிருந்து மாலிக்கு சுற்றுலா அல்லது வர்த்தக விசாவில் (B-1/B-2) செல்ல விரும்பும் பயணிகள் இனி விசா பெறுவதற்கு முன், ஒரு பெரிய தொகையை பிணைத் தொகையாக (Visa Bond) செலுத்த வேண்டும்.
- இந்த பிணைத் தொகையின் அளவு சுமார் $5,000 முதல் $10,000 அமெரிக்க டாலர்கள் (இந்திய மதிப்பில் பல லட்சங்கள்) வரை இருக்கலாம் எனத் தகவல்கள் தெரிவிக்கின்றன.
- மாலி நாட்டிற்கு விசாவுக்கு விண்ணப்பிக்கும் அமெரிக்கப் பயணிகளின் சூழ்நிலையைப் பொறுத்து, இந்தத் தொகையை அதிகாரி முடிவு செய்வார்.
ஏன் இந்த அதிரடி முடிவு?
மாலி நாட்டின் குடிமக்கள் அமெரிக்காவிற்குச் செல்லும்போது, அவர்கள் நிர்ணயிக்கப்பட்ட நேரத்திற்குப் பிறகு தங்கள் விசா காலத்தை மீறி அமெரிக்காவில் தங்குவதைத் தடுக்க, சமீபத்தில் அமெரிக்க அரசு, மாலி நாட்டவர்கள் மீது இதேபோன்ற பிணைத் தொகையை விதித்தது.
அமெரிக்காவின் இந்த நடவடிக்கையே, மாலி அரசாங்கத்தை ஆத்திரமூட்டி, இப்போது அமெரிக்கப் பயணிகளுக்கு எதிராகப் பதிலடித் தாக்குதல் நடத்தத் தூண்டியுள்ளது.
விசாவின் காலக்கெடு முடிவதற்குள் அமெரிக்கப் பயணி மாலியிலிருந்து வெளியேறினால், செலுத்தப்பட்ட பிணைத் தொகை அவர்களுக்குத் திரும்பக் கொடுக்கப்படும். ஒருவேளை அவர்கள் நாட்டை விட்டு வெளியேறத் தவறினால், அந்தத் தொகையை மாலி அரசு பறிமுதல் செய்யும்.
