கரீபியன் கடற்பரப்பில் மீண்டும் ஒருமுறை பதற்றம் வெடித்துள்ளது! அமெரிக்க அதிபர் டொனால்ட் டிரம்ப், வெனிசுலாவில் இருந்து போதைப்பொருள் கடத்தி வந்ததாகக் கூறப்படும் ஒரு கப்பலை அமெரிக்கப் படைகள் தாக்கியுள்ளதாக அதிரடியாக அறிவித்துள்ளார். இந்த தாக்குதலில் மூன்று பேர் கொல்லப்பட்டனர்.
இந்த தாக்குதல், போதைப்பொருள் கடத்தல் கும்பல்களுக்கு அமெரிக்கா விடுத்துள்ள ஒரு கடுமையான எச்சரிக்கை. அமெரிக்காவின் தேசிய பாதுகாப்புக்கு அச்சுறுத்தல் விடுக்கும் சக்திகளை எந்த விலை கொடுத்தும் ஒழிப்போம் என்று டிரம்ப் தனது சமூக ஊடகப் பதிவில் சூளுரைத்துள்ளார்.
கப்பல் வெடித்து தீப்பிடித்த வீடியோவையும் அவர் பகிர்ந்துள்ளதால், உலக அரங்கில் வெனிசுலாவுக்கும் அமெரிக்காவுக்கும் இடையிலான மோதல் மேலும் தீவிரமடைந்துள்ளது. போதைப்பொருள் கடத்தல் கும்பல்களுக்கும் தீவிரவாதக் குழுக்களுக்கும் எந்த வித்தியாசமும் இல்லை என்று அமெரிக்கா கருதுகிறது. வெனிசுலா போதைப்பொருள் கும்பல்களுடன் இணைந்து செயல்படுவதாக அமெரிக்கா குற்றம் சாட்டியுள்ள நிலையில், இந்த தாக்குதல் வெனிசுலா அதிபர் நிகோலஸ் மதுரோவுக்கு விடுக்கப்பட்ட நேரடி சவாலாகவே பார்க்கப்படுகிறது.
இந்த தாக்குதல் மூலம், அமெரிக்கா தனது ஆதிக்கத்தை நிலைநாட்டி, போதைப்பொருள் கடத்தலை ஒழிப்பதில் உறுதியாக உள்ளது என்பதை உலகிற்கு உணர்த்தியுள்ளது. இது போன்ற அதிரடி நடவடிக்கைகளை எதிர்காலத்தில் டிரம்ப் எடுப்பாரா என்ற எதிர்பார்ப்பு அதிகரித்துள்ளது.
