ஐரோப்பிய நாடுகளை உலுக்கிக்கொண்டிருக்கும் பால்டிக் கடலின் அடியில் உள்ள கேபிள்கள் மற்றும் எரிவாயு குழாய்கள் சேதமடைந்த மர்மம், புதிய திருப்பத்தை அடைந்துள்ளது. இந்த தொடர் சேதங்களுக்குக் காரணமானதாக சந்தேகிக்கப்படும் கப்பல்களின் குழுவினர், “தொழில்நுட்பக் கோளாறுகள்”தான் காரணம் என்று விசாரணையில் கூறி, விசாரணை அதிகாரிகளை குழப்பியுள்ளனர்.
மறைக்கப்பட்ட ரகசியங்கள்! பின்லாந்து, சுவீடன் மற்றும் எஸ்டோனியா போன்ற நாடுகளின் பாதுகாப்புக்கு அச்சுறுத்தலாக விளங்கும் இந்த தொடர் சேதங்கள் குறித்த விசாரணை தீவிரமடைந்துள்ளது. இதில், ஈகிள் எஸ் (Eagle S) மற்றும் வெஸ்சன் (Vezhen) ஆகிய கப்பல்களின் மாலுமிகள், தங்கள் கப்பல்களில் ஏற்பட்ட கோளாறுகளால் மட்டுமே நங்கூரங்கள் கடலின் அடிப்பகுதியில் இழுத்துச் செல்லப்பட்டதாகவும், இதனால் தற்செயலாகவே இந்தச் சேதம் ஏற்பட்டதாகவும் கூறி, தங்கள் குற்றத்திலிருந்து தப்பித்துக்கொள்ள முயற்சிப்பதாகக் கூறப்படுகிறது.
ஆனால், இந்த சமாதானத்தை ஏற்றுக்கொள்ளாத புலனாய்வு அதிகாரிகள், இது ரஷ்யாவுக்கும் ஐரோப்பிய நாடுகளுக்கும் இடையிலான பனிப்போர் நடவடிக்கையாக இருக்கலாம் என சந்தேகிக்கின்றனர். வேண்டுமென்றே இந்த நாசவேலைகள் நடத்தப்பட்டிருக்கலாம் எனவும் அஞ்சப்படுகிறது.
யார் இந்த மர்மக் குற்றவாளி? கடந்த ஆண்டு, பால்டிக் கனெக்டர் (Balticconnector) எரிவாயு குழாயில் ஏற்பட்ட சேதத்திற்கு, நியூநியூ போலார் பியர் (NewNew Polar Bear) என்ற சீன சரக்குக் கப்பல் தான் காரணம் என பின்லாந்து அதிகாரிகள் கண்டறிந்தனர். இந்தச் சம்பவங்களைத் தொடர்ந்து, தற்போது அதேபோன்ற மர்மமான சேதங்கள் மீண்டும் ஏற்பட்டுள்ளன.
இந்த நாசவேலைகளுக்குப் பின்னால், மிகப்பெரிய சதித்திட்டம் இருக்கலாம் என NATO நாடுகள் கவலை தெரிவித்துள்ளன. இந்தச் சம்பவங்கள் போர் பதற்றத்தை அதிகரிக்கும் என எதிர்பார்க்கப்படுகிறது. யார் இந்த மர்மக் குற்றவாளி? “தொழில்நுட்பக் கோளாறு” என்ற வாக்குமூலத்திற்குப் பின்னால் மறைந்திருக்கும் உண்மைகள் என்ன? இந்த கேள்விகளுக்கு விடைதேடி சர்வதேச விசாரணைகள் முடுக்கிவிடப்பட்டுள்ளன.
