கமல், மணிரத்னம் காம்போவில் பெரும் எதிர்பாரப்புகளுக்கு மத்தியில் ‘தக் லைஃப்’ உருவாகி வருகிறது. இப்படத்தின் ஷுட்டிங் கடந்த சில மாதங்களாக மும்முரமாக நடந்து கொண்டிருக்கிறது. இந்நிலையில் இப்படத்தின் ரிலீஸ் தேதி குறித்த அதிகாரப்பூர்வ அறிவிப்பு வெளியாகியுள்ளது.
‘பொன்னியின் செல்வன்’ இரண்டு பாகங்களின் வெற்றியை தொடர்ந்து யாரும் எதிர்பார்க்காத விதமாக கமலுடன் கூட்டணி அமைத்தார் மணிரத்னம். தமிழ் சினிமாவின் கிளாசிக் காம்போவான இவர்கள், நீண்ட இடைவேளைக்கு பிறகு மீண்டும் இணைந்தது கோலிவுட் வட்டாரத்தில் உச்சக்கட்ட எதிர்பார்ப்பினை கிளப்பியது.
நாயகன் என்ற கல்ட் கிளாஸிக் படத்திற்கு பின் கமல், மணிரத்னம் இணைந்துள்ளதால் ‘தக் லைஃப்’ தரமான சம்பவமாக இருக்கும் என ரசிகர்கள் எதிர்பார்க்கின்றனர். இந்நிலையில் இன்று கமலின் பிறந்தநாளை முன்னிட்டு இன்று ‘தக் லைப்’ படத்தின் ரிலீஸ் தேதி குறித்த மிரட்டலான டீசர் வெளியாகியுள்ளது. இதில் கமலும், சிம்புவும் ஆக்ஷனில் அதகளம் செய்துள்ளனர்.
குறிப்பாக கமல் நீண்ட முடியெல்லாம் வைத்து கொண்டு நடுத்தர வயது தோற்றத்திலும், யங்கான லுக்கில் இருப்பதை போன்ற காட்சிகளும் டீசரில் இடம்பெற்றுள்ளன. அத்துடன் சிம்புவும் ஆக்ஷனில் இறங்கி அடித்துள்ளார். இசைப்புயல் ஏ.ஆர். ரஹ்மானின் இசையும் படு மாஸாக உள்ளது. என்ன கதை என சின்ன ஹிண்ட் கூட இல்லாமல் டீசரை கட் செய்துள்ளார் இயக்குனர் மணிரத்னம். இந்த டீசர் தற்போது ரசிகர்கள் மத்தியில் வேறலெவல் வரவேற்பினை பெற்று வருகிறது.
