தென்னிந்திய திரையுலகின் லேடி சுப்பர் ஸ்டாரான நயன்தாரா நடிக்கும் புதிய திரைப்படத்திற்கு, ‘ ராக்காயி ‘ என பெயரிடப்பட்டு, அதன் டைட்டில் லுக்கும் மற்றும் டைட்டிலுக்கான டீஸரும் வெளியிடப்பட்டிருக்கிறது. அவரது பிறந்த நாளை முன்னிட்டு வெளியிடப்பட்டிருப்பதால் ரசிகர்கள் உற்சாகமடைந்திருக்கிறார்கள்.
அறிமுக இயக்குநர் செந்தில் நல்லசாமி இயக்கத்தில் உருவாகி வரும் ‘ ராக்காயி’ எனும் திரைப்படத்தில் லேடி சுப்பர் ஸ்டார் நயன்தாரா கதையின் நாயகியாக நடிக்கிறார். கௌதம் ராஜேந்திரன் ஒளிப்பதிவு செய்யும் இந்த திரைப்படத்திற்கு கோவிந்த் வசந்தா இசையமைத்திருக்கிறார்.
பீரியட் எக்சன் என்டர்டெய்னராக தயாராகும் இந்த திரைப்படத்தை ட்ரம்ஸ்டிக் புரொடக்ஷன்ஸ் மற்றும் மூவி வெர்ஸ் ஸ்டுடியோஸ் ஆகிய நிறுவனங்கள் சார்பில் தயாரிப்பாளர்கள் வெடிக்காரன்பட்டி எஸ். சக்திவேல் மற்றும் எஸ் .ஆதித்யா பிட்டி ஆகியோர் இணைந்து தயாரிக்கிறார்கள்.
இப்படத்தில் நடிக்கும் ஏனைய நடிகர்கள் நடிகைகள் பற்றிய விபரங்கள் விரைவில் அதிகாரப்பூர்வமாக அறிவிக்கப்படும் என படக் குழுவினர் தெரிவித்துள்ளனர்.
நயன்தாராவின் பிறந்த நாளை முன்னிட்டு அவர் நடிப்பில் தயாராகும் ‘ ராக்காயி ‘ படத்தின் டைட்டில் லுக்கும் மற்றும் அதற்கான பிரத்யேக காணொளியும் வெளியிடப்பட்டிருக்கிறது. இது அவரது ரசிகர்களை உற்சாகப்படுத்தி இருக்கிறது.
