Sunday, June 24 2018

LYAC TV

இரத்தசோகைக்கு உகந்த ராஜ்மா - கார்ன் சாலட்..

Jun 11, 2018    505

இரத்தசோகை நோய் ஏற்படாமல் இருக்க ராஜ்மாவை அடிக்கடி உபயோகிக்கலாம். இன்று ராஜ்மா, கார்ன் சேர்த்து சாலட் செய்வது எப்படி என்று பார்க்கலாம்.

இரத்தசோகைக்கு உகந்த ராஜ்மா - கார்ன் சாலட்

தேவையான பொருட்கள் :

ராஜ்மா - 1 கப்
குடை மிளகாய் ( மஞ்சள், சிகப்பு, பச்சை) - தலா 1
உதிர்த்த சோளம் - கால் கப்
சீரகத்தூள் - 2 டேபிள் ஸ்பூன்
மிளகுத்தூள் - 1 டீஸ்பூன்
எலுமிச்சை சாறு - 2 டீஸ்பூன்
தேன் - 1 டீஸ்பூன்
உப்பு - தேவையான அளவு



செய்முறை :

ராஜ்மாவை 8 மணி நேரம் ஊறவைத்து உப்பு சேர்த்து வேக வைத்து கொள்ளவும்.

சோளத்தை உப்பு சேர்த்து வேக வைத்து கொள்ளவும்.

குடைமிளகாயை பொடியாக நறுக்கி கொள்ளவும்.

ஒரு பாத்திரத்தில் வேக வைத்த ராஜ்மா, சோளம் போட்டு அதனுடன் குடைமிளகாய், சீரகத்தூள், மிளகுத்தூள், எலுமிச்சைசாறு, தேன், உப்பு சேர்த்து நன்றாக கலந்து பரிமாறவும்.

சூப்பரான சத்து நிறைந்த ராஜ்மா - கார்ன் சாலட் ரெடி.